صينيه لفائف البيض بالصلصه لافطار مميز جدا جدا ((بالصور ))

السلام عليكم

امس سويت ريوق و كان و لذييييييييييييييذ و من اول لقمه تذكرتكم و قلت خساره ما صورت الطريقه لخواتي في عروس ...فقمت اليوم و قررت اعزم نفسي مره ثانيه على نفس الريوق لانه بصراحه لذييييييييذ و طبعا اعزمكم معايه ...

مقادير خبز الثوم

خبز سليس
زيت زيتون
فص ثوم
اوريغانو

مقادير الصلصه (( ملاحظه : اذا ما عند وقت تسوينها ممكن تستخدمين صوص البيتزا الجاهز.. اختصارا للوقت ))

بصله صغيره مفرومه
فص ثوم
3 طماطات صغيره معصورات ((يعني في الخلاط ))
2 ملعقه طعام صلصه طماطم
2 ملعقه طعام عسل او حسب الذوق
ملح
فلفل
اريغانوا
كزبره
بقدونس
بيزل((ريحان))

مقادير البيض ((مقادير لشخص واحد ..و ضاعفيها على حسب عدد الافراد ))

بيضه واحده
حليب ملعقه طعام
ملح
و فلفل
3انواع من الاجبان او ما توفر لديكي (( و لكي حريه الاختيار موزيريلا او برميزان او جبنه سويسريه او عكاوي او حلوم او شيدر ))

الطريقه

اولا الخبز

رشي الخبز بشويه من زيت الزيتون سخني خبز التوست في الفرن ..و بمجرد ما تطلعينها من الفرن و هي ساااخنه ..هاتي فص الثوم و اقطعين من النص و ابدي افركي في الخبز الساخن ...علشان الخبز ياخذ نكهه الثوم ..و بعدينه رشي عليه الاوريغانوا (( اكيد شايفين الطريقه في فتافيت دايما يسونها

))

طريقه الصلصه ((اسمحولي ما صورتها بالخطوات لاني كنت عاملتها قبل بيوم ))

اول شي تحمرين البصل و الثوم بعد ما يذبل تضيفين عصير الطماطم و الصلصه و الكزبره و البقدونس و الاوريغانوا و الريحان ((البيزل )).. و بعدين على حسب الطعم تضيفين العسل و الملح و الفلفل

و تخلينه على نار هاااااااااااااااااااااااااااااااااديه جدا جدا و لمده 45 دقيقه او ساعه و حركي بين فتره و فتره .. و غطي القدر

طريقه البيض ((لشخص واحد ))

اول شي نخفق بيضه و الحليب مع الملح و الفلفل

و سخني مقلاه و صبي البيضه و خليها تطبخ من جهه واحد يعني لا تقلبينها ((لانها بتدخل الفرن ))

بعدين حطيها في صحن و حطي انواع الجبن الي متوفره عندج ...و بعدين لفيها مثل الرول ((اسمحولي نسيت اصورها و هي ملفوفه ))

و صفي لفائف البيض المحشوه بالجبن في بايركس طبعا على حسب عدد الافراد ..تسوين لكل واحد لفه

و صبي عليه من الصلصه الي جهزتيها

و رشي عليها بعد شويه من الجبن

و دخليها الفرن على درجه حراره 180 و لمده 15 دقيقه

و هذي بعد ما طلعت من الفرن

صوره اقرب علشان التعذيب ..

و هذي اول قطعه مع خبز الثوم لزوم التعذيب

و قدميها لعائلج بصحه و عافيه و استمتعي بالطعم اللذيذ و امتعي اذانك بالاطرائات

و صدقيني انج اذا جربتيها بتعيدينها ثاني يوم على طول مثل ما سويت

و على فكره تنفع لعزايم الصباحيه ..يعني تسوين صينيه كبيره منها و من وقت و قبل التقديم بس تدخلينها الفرن

و هني و عافيه

_________________